მსოფლიოში ყველაზე ხანდაზმული ადამიანი, იაპონელი კანე ტანაკა 117 წლის გახდა.
კანე ტანაკამ დაბადების დღე მოხუცთა თავშესაფარში, ოჯახის წევრების გარემოცვაში აღნიშნა.
იაპონური სააგენტო Kyodo-ს ცნობით, ტანაკამ დაბადების დღის ტორტი დააგემოვნა.
"ძალიან გემრიელია, კიდევ მინდა", - ციტირებს ტანაკას სიტყვებს სააგენტო Kyodo.
კანე ტანაკა გინესის რეკორდების წიგნში შევიდა 2019 წლის 9 მარტს, როგორც დედამიწის უხუცესი მკვიდრი. მაშინ ის 116 წლისა და 66 დღის იყო.
იაპონელი ქალი 1903 წლის 2 იანვარს, ფუკუოკას პრეფექტურაში დაიბადა.
