ნორვეგიის ოფიციალური ორგანოს მიერ გამოქვეყნებული სტატისტიკური ინფორმაციის თანახმად, 2019 წლის განმავლობაში ოსლოში მომხდარ ავტოსაგზაო შემთხვევების შედეგად მხოლოდ ერთი ადამიანი დაიღუპა.
ასევე, 2019 წლის განმავლობაში ნორვეგიის მთელი ტერიტორიაზე მომხდარი ავტოსაგზაო შემთხვევების შედეგად არ დაღუპულა არცერთი 16 წლამდე ასაკის ბავშვი.
2019 წელს ქვეყნის მთელ ტერიტორიაზე ავტოსაგზაო შემთხვევებს 110 ადამიანი ემსხვერპლა, 2018 წელს ეს მაჩვენებელი 108 იყო.
ნორვეგიის საზოგადოებრივი გზების ადმინისტრაციის ინფორმაციით, ოსლოში ავტოავარიების შედეგად დაღუპულთა რიცხვი მკვეთრად მცირდება.
ამასთან, გასულ წელს ლონდონში ავტოსაგზაო შემთხვევებს 126 ადამიანი ემსხვერპლა, მიუხედავად იმისა, რომ ამ კუთხით, დიდი ბრიტანეთი ევროკავშირის ერთ-ერთ ყველაზე უსაფრთხო ქვეყნად მიიჩნევა.