სემეკის გადაწყვეტილების საფუძველზე სს „საქართველოს სახელმწიფო ელექტროსისტემამ“ (სსე) და სს „თელასმა“ ახალი ენერგეტიკული პროექტი განახორციელეს.
✅ პროექტის მიზანია ქ. თბილისის საერთაშორისო აეროპორტისა და სხვა სტრატეგიული ობიექტების ელექტროენერგიით საიმედო და უწყვეტი მომარაგების უზრუნველყოფა.
✅ სტრატეგიული ობიექტების უწყვეტი ენერგომომარაგების საკითხზე სემეკში არაერთი სხდომა და სამუშაო შეხვედრა გაიმართა. კომისიის გადაწყვეტილებით, სს „საქართველოს სახელმწიფო ელექტროსისტემასა“ და სს „თელასს“ დაევალათ 2020 წლის 1 იანვრამდე უზრუნველეყოთ ახალი 35 კვ ძაბვის ეგხ-ს მშენებლობა ქვესადგურ „ნავთლუღი 220“-დან სს „თელასის“ კუთვნილ „აეროპორტის ქვესადგურამდე“. ერთობლივი პროექტის ფარგლებში აშენდა 8.3 კმ-იანი ახალი საკაბელო ხაზი, მოეწყო და თანამედროვე აპარატურით აღიჭურვა 35 კვ. ძაბვის ორი სახაზო უჯრედი.
✅ ახალი ენერგო პროექტის პრეზენტაციაზე სემეკის თავმჯდომარე დავით ნარმანია სიტყვით წარსდგა და ვრცლად ისაუბრა სემეკის გადაწყვეტილების მნიშვნელობაზე. ყურადღება გაამახვილა პროექტის განხორციელების აუცილებლობასა და სტრატეგიული ობიექტების საიმედო ენერგომომარაგების უზრუნველყოფაზე.
✅პრეზენტაციას ესწრებოდნენ სემეკის წევრები. დავით ნარმანიასთან ერთად პროექტი წარადგინეს სს „საქართველოს სახელმწიფო ელექტროსისტემის“ მმართველთა საბჭოს თავმჯდომარე უჩა უჩანეიშვილმა და სს „თელასის“ გენერალურმა დირექტორმა, სერგეი კობცევმა.