თბილისში, აეროპორტის გზაზე სატვირთო მანქანა და მიკროავტობუსი ერთმანეთს შეეჯახნენ. ავარიის შედეგად დაიღუპა ერთი და დაშავდა 14 ადამიანი. ინფორმაციას პირველი არხი ავრცელებს.
ფაქტზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.