ავსტრალიის ხელისუფლებამ ფართომასშტაბიანი ტყის ხანძრების გამო საგანგებო მდგომარეობა გამოაცხადა.
საგანგებო მდგომარეობა ერთი კვირის განმავლობაში იმოქმედებს სიდნეისა და ახალი სამხრეთ უელსის შტატში.
ბოლო რამდენიმე კვირის განმავლობაში, ახალი სამხრეთ უელსის შტატში ხანძრის დაახლოებით 100-მდე კერა იყო. მათგან მხოლოდ ნახევარია ლოკალიზებული.
ვითარებას კიდევ უფრო ართულებს რეგიონში ჰაერის რეკორდული ტემპერატურა, რომელიც 45-46 გრადუსს აღწევს. სპეციალისტები შიშობენ, რომ ძლიერი ქარი ხელს შეუწყობს ხანძრების კიდევ უფრო მეტად გავრცელებას.
ავსტრალიაში ტყის ხანძრები სექტემბრიდან მძვინვარებს. განადგურებულია 2 მლნ ჰექტარზე მეტი ტყის მასივი, ასეულობით საცხოვრებელი სახლი და ადმინისტრაციული შენობა. ხანძარს 6 ადამიანი ესმხვერპლა.
