ათიათასობით დემონსტრანტი შეიკრიბა პოლონეთის დედაქალაქის ქუჩებში სასამართლო რეფორმის გასაპროტესტებლად, რომელიც ხელისუფლებას მოსამართლეთა გათავისუფლებისა და მართლმსაჯულებაზე კონტროლის განხორციელების შესაძლებლობას აძლევს.
კანონპროექტის მიხედვით, შესაძლებელი გახდება მოსამართლეთა გათავისუფლება თუკი მათ მიერ გამოთქმული მოსაზრება არ იქნება თანხვედრაში მთავრობის მოსაზრებასთან.
მოსამართლე, რომელიც იუსტიციის საბჭოს მიერ მოსამართლეობის კანდიდატებთან დაკავშირებით კრიტიკუl მოსაზრებას გამოთქვამს, შესაძლოა დაჯარიმდეს ან გათავისუფლდეს თანამდებობიდან.
კანონპროქეტი უზენაესი სასამართლოს მოსამართლეებისთვის საპენსიო ასაკის შემცირებას ითვალისწინებს. საერთო სასამართლოები კი იუსტიციის მინისტრს დაექვემდებარება.
საპროტეტო აქციები მოწოდებით "თავისუფალი სასამართლო" ვარშავაში საკანონმდებლო ორგანოსთან და პოლონეთის სხვადასხვა ქალაქში სასამართლო შენობების წინ გაიმართა.
კანონპროექტის განხილვა პოლონეთის პარლამენტში დღეს, 19 დეკემბერს დაიწყება.
სასამართლო რეფორმის კანონპროექტი ამწვავებს ურთიერთობებს პოლონეთსა და ევროკავშირს შორის, რადგან როგორც ბრიუსელი აცხადებს, ის მკვეთრ წინააღმდეგობაში მოდის ევროკავშირის კანონმდებლობასა და პოლონეთის კონსტიტუციასთან.
კანონპროექტთან დაკავშირებით საკუთარი მოსაზრება გამოთქვა პოლონეთის უზენაესმა სასამართლომ და აღნიშნა, რომ ის საფრთხეს უქმნის მოსამართლეთა დამოუკიდებლობას და შესაძლოა ამის გამო ქვეყანას ევროკავშირის დატოვება მოუწიოს.
