თბილისი საკრებულოს "ქართული ოცნების" დეპუტატი ერეკლე კუხიანიძე სოციალურ ქსელში კიდევ ერთ განცხადებას აკეთებს და ამჯერად იმ მოქალაქეებს აკრიტიკებს, რომელთა გამოხმაურებაც ექიმ ვაჟა გაფრინდაშვილზე გაკეთებული კომენტარის გამო, არ მოეწონა.
"დავრწმუნდი, თუ რა ღრმა ფსიქიკური აშლილობა სჭირს ჩვენი მოსახლეობის ნაწილს… ჩვენ სრულიად უაზროდ დავუპირისპირდით რუსებს და შევუქმენით მათ განცდა, რომ სსრკ ჩვენი ქმედებების შედეგად დაიშალა. საინტერესოა, რომ ჩვენი პარტნიორები განუწყვეტლივ მოგვიწოდებენ რუსეთთან დავალაგოთ ურთიერთობა.
მთავრობა ყველანაირად ცდილობს შეასრულოს ჩვენი მეგობრების რჩევა. ნებისმიერი ადამიანი, რომელიც არ ითვალისწინებს შექმნილ რეალობას, ცდილობს იგნორირება გაუკეთოს პარტნიორების რჩევებს, მიმაჩნია პროვოკატორად და ქვეყნის მტრად", - წერს "ქართული ოცნების" საკრებულოს დეპუტატი.