ცალკეულ ევროპარლამენტარებს, მოდით, ნუ გავაიგივებთ მთლიანად ევროპარლამენტთან, - ასე ეხმიანება საქართველოს პარლამენტის ადამიანის უფლებათა კომიტეტის თავმჯდომარე სოფიო კილაძე ევროპარლამენტარების განცხადებებს საქართველოში პოლიტიკური პატიმრების შესახებ.
მან გამოთქვა ვარაუდი, რომ ევროპარლამენტარებს, შესაძლოა, ოპოზიცია აწვდიდეს არასწორ ინფორმაციას.
"ცალკეულ ევროპარლამენტარებს, მოდით, ნუ გავაიგივებთ მთლიანად ევროპარლამენტთან. ცალკეული ევროპარლამენტარებს შეიძლება ჰქონდეთ საკუთარი აზრი, რომელიც მათ შესაძლებელია, ჩამოუყალიბდათ ჩვენი ოპოზიციის მხრიდან მიწოდებული არასწორი ინფორმაციის შესაბამისად, მაგრამ ჩვენ გუშინ ვიხილეთ, რომ ევრონესტის ასამბლეამ არ დაუჭირა მხარი სწორედ ამ ჩანაწერის შეტანას, რომ საქართველოში არსებობს პოლიტიკური კრიზისი და პოლიტპატიმრები. ამიტომ, ძალიან ცუდია, როცა ცალკეული ადამიანების, თუნდაც დეპუტატების, აზრის წარმოჩენა საზოგადოებისთვის ხდება, როგორც ერთიანი პოზიცია ევროპარლამენტის", - ამბობს დეპუტატი.