9 დეკემბერს, გაერთიანებული ერების ორგანიზაციის გენერალურმა ასამბლეამ მიიღო რეზოლუციის პროექტი "სევასტოპოლის, ყირიმის ავტონომიური რესპუბლიკის, შავი და აზოვის ზღვის ნაწილების მილიტარიზაციის პრობლემის შესახებ". იუწყება Deutsche Welle.
რეზოლუციის თანახმად, გენერალური ასამბლეა მოუწოდებს მოუწოდებს რუსეთს, დაუყოვნებლივ გაიყვანოს შეიარაღებული ძალები ყირიმის ტერიტორიიდან და დასრულდეს უკრაინის ტერიტორიების ოკუპაცია.
რეზოლუციის შესახებ ინფორმაციას გაეროში უკრაინის მუდმივმოქმედი მისია ავრცელებს.
რეზოლუციის ხელმომწერები, ასევე, მოუწოდებენ რუსეთს, უკრაინას დაუბრუნოს უკრაინული გემებიდან მიტაცებული შეიარაღება და ტექნიკა.
ამასთანავე, რეზოლუციით დაგმობილია რუსეთის ოფიციალური პირების ვიზიტები ყირიმის ტერიტორიაზე და გამოთქმულია შეშფოთება, რომ რუსეთი ყირიმში სამხედრო წვრთნების დროს იყენებს უკრაინულ ინფრასტრუქტურას.
რეზოლუციის პროექტს მხარი 63-მა ქვეყანამ დაუჭირა, 19 კი წინააღმდეგ წავიდა.