თურქეთის პრეზიდენტმა რეჯეფ თაიფ ერდოღანმა ხელი მოაწერა კანონს, რომელიც სასტუმროებში ცხოვრებისთვის 2%-იანი გადასახადის გადახდას ითვალისწინებს. ახალი კანონი ძალაში 2020 წლის 1-ელი აპრილიდან შევა.
როგორც ცნობილია, თურქეთის პრეზიდენტმა კანონპროექტი გადასინჯვისთვის უკან გააბრუნა, მისი წინააღმდეგობა მხოლოდ ელექტროენერგიის მწარმოებლების დაბეგვრას ეხებოდა.
ცხადია ახალი გადასახადის შემოღებით, თურქეთში დასვენება გაძვირდება. როგორც ოტელიერთა ფედერაციის ხელმძღვანელი ოსმან აიკის განაცხადა, სასტუმროს მფლობელები აღნიშნულ გადაწყვეტილებებს კრიტიკულად შეხვდნენ, თუმცა ხელისუფლებამ მათ არ მოუსმინა.
სასტუმროში ცხოვრებისთვის სტუმრის მიერ გადახდილი გადასახადი მთლიანად ქვეყნის ბიუჯეტში შევა.
