7 დეკემბერს, 11:00 საათზე, თბილისის მერიის გარემოს დაცვის საქალაქო სამსახური, კომპანია "ავერსი ფარმა"-ს ტერიტორიაზე გამწვანების აქციას ჩაატარებს. აღნიშნულ ლოკაციაზე უკვე განხორციელდა დაავადებული და ხმობადი ფიჭვების სანიტარიული ჭრა, რის სანაცვლოდაც, 600 ძირი, სხვადასხვა სახეობის ხე დაირგვება.
პროცესს დედაქალაქის მერის მოადგილე მაია ბითაძე ადგილზე გაეცნობა. გამწვანების აქციაში მონაწილეობას გარემოს დაცვის საქალაქო სამსახურის უფროსი გიგა გიგაშვილი, კომპანია "ავერსის" გენერალური დირექტორი ირაკლი ფურცელაძე, შპს "ეკოსერვის ჯგუფის" ხელმძღვანელი ვახტანგ ნოზაძე და "ეკოსერვის ჯგუფის“ თანამშრომლები მიიღებენ.