მსოფლიოს ბევრ ქვეყანაში ინგლისური ენა ან სახელმწიფო ენაა, ან მოსახლეობის უმრავლესობისთვის მნიშვნელობით მეორე ენა. ინგლისური ენის ცოდნის შეფასების მიზნით საერთაშორისო საგანმანათლებლო კომპანიამ ონლაინგამოკითხვა ჩაატარა.
საერთაშორისო საგანმანათლებლო კომპანიის მიერ გამოქვეყნებული ახალი მოხსენების მიხედვით, ყველაზე უკეთ ინგლისურად ნიდერლანდების სამეფოში საუბრობენ.
შედეგები დაეფუძნა საგანმანათლებლო კომპანიის მიერ ჩატარებულ ონლაინ ტესტირებას, რომელშიც მონაწილეობა 2.3 მლნ ადამიანმა მიიღო.
მიუხედავად იმისა, რომ ინგლისური ენის ძალიან მაღალი ცოდნის კრიტერიუმებში ძირითადად ევროპული ქვეყნები მოხვდნენ, საუკეთესო შედეგები დააფიქსირეს ასევე, სამხრეთ აფრიკის რესპუბლიკამ და სინგაპურმა.
გამოკითხვების მიხედვით, საქართველომ დაბალი შედეგი მიიღო და რეიტინგში 56-ე ადგილზე, ბაჰრეინსა და ჰონდურასს შორის მოხვდა.
გამოკითხვა ჩატარდა მსოფლიოს იმ 100 ქვეყანაში, რომელთა მოსახლეობისთვის ინგლისური ენა არ არის მშობლიური.
კლევის შედეგები დეტალურად იხილეთ ბმულზე