აჭარაში ხანძრის შედეგად 7 სახლი დაიწვა. შემთხვევა გვიან ღამით ხულოში, სოფელ მეხალაშვილებში მოხდა. დამწვარია 5 დამხმარე ნაგებობაც. შემთხვევის შედეგად არავინ დაშავებულა.
სამედიცინო ბრიგადამ ადგილზე დახმარება ერთ პირს გაუწია. ხანძრის გამომწვევი მიზეზად გაუმართავი ელექტროსადენები სახელდება.
ამ დროისთვის ხანძარი ლოკალიზებულია. შემთხვევის ადგილზე მუშაობს ხულოს, შუახევისა და ქედის სახანძრო-სამაშველო ჯგუფები.
