ევროპარლამენტის სოციალისტებისა და დემოკრატების ფრაქცია ეხმიანება საქართველოში განვითარებულ პოლიტიკურ პროცესებს და ხელისუფლებას პროპორციულ სისტემაზე გადასვლის დანაპირების შესრულებისკენ მოუწოდებს.
"ჩვენ ძალიან შეშფოთებულები ვართ საქართველოში განვითარებული ბოლოდროინდელი მოვლენებით.
საარჩევნო რეფორმების შესახებ კანონპროექტი, რომელიც ინიცირებული იყო პარტია "ქართული ოცნების" მიერ, არის ქვეყნის დემოკრატიის განმტკიცების გასაღები.
მოველით, რომ ქართველი ხალხისთვის მიცემული ეს დანაპირები აუცილებლად შესრულდება", - ნათქვამია სოციალისტების და დემოკრატების ფრაქციის მიერ გავრცელებულ განცხადებაში.