მომავალ კვირა დღეს რომ არჩევნები ტარდებოდეს, პარტია "ქართული ოცნება" ხმების 23%-ს მიიღებდა, ხოლო ოპოზიციური პარტიები ჯამში 41%-ს. ეს მონაცემები იკითხება საერთაშორისო რესპუბლიური ინსტიტუტის (IRI) მიერ გამოქვეყნებულ კვლევაში.
გამოკითხულთა 32%-მა არ იცის, ან არ სურს პასუხის გაცემა.
ოპოზიციური პარტიების მონაცემები შემდეგნაირად გადანაწილდა:
ერთიანი ნაციონალური მოძრაობა - გაერთიანებული ოპოზიცია - 15%
ევროპული საქართველო - 5%
ლეიბორისტული პარტია - 5%
პატრიოტთა ალიანსი - 4%
სამოქალაქო მოძრაობა (ალეკო ელისაშვილი) – 3%
ახალი საქართველოსთვის (გიორგი ვაშაძე) – 2%
დემოკრატიული მოძრაობა ერთანი საქართველო (ნინო ბურჯანაძე) – 2%
ლელო - 2%
გირჩი - 1%
შენების მოძრაობა - 1%
სხვა პარტიები - 1%
კვლევის შესახებ
წინამდებარე კვლევის საველე სამუშაოები ჩაატარა კვლევისა და მარკეტინგის ინსტიტუტმა (IPM), 2019 წლის 11 სექტემბრიდან 14 ოქტომბრის ჩათვლით.
კვლევას კოორდინაციას უწევდა კვლევითი კომპანიის „ბალტიის კვლევები/გელაპის ორგანიზაციის“ წარმომადგენელი, დოქტორი რასა ალისაუსკიენე, საერთაშორისო რესპუბლიკური ინსტიტუტის კვლევების ცენტრის დაკვეთით.
კვლევა განხორციელდა პირისპირ ინტერვიუს მეთოდის გამოყენებით რესპოდენტების საცხოვრებელ სახლებში.
კვლევაში მონაწილეობა მიიღო საარჩევნო ხმის უფლების მქონე საქართველოს 1500-მა მცხოვრებმა, 18 წლის ასაკიდან.
შერჩევა არის წარმომადგენლობითი და ზუსტად ასახავს საქართველოს მთლიან მოსახლეობას ასაკის, სქესის, რეგიონისა და სიდიდის გათვალისწინებით.
გამოყენებული იქნა მრავალსაფეხურიანი ალბათობის მეთოდი, შემთხვევითი მარშრუტისა და შემდგომი დაბადებისდღის მქონე რესპოდენტის შერჩევის კრიტერიუმით.
კვლევის ჩატარება შესაძლებელი გახდა ამერიკელი ხალხის უანგარო მხარდაჭერით, აშშ-ის საერთაშორისო განვითარების სააგენტოს (USAID) მეშვეობით.