„ქართული ოცნების" გამართულ სხდომაზე საპარლამენტო თანამდებობის საკითხი არ განხილულა, ირწმუნება საქართველოს პარლამენტის ყოფილი თავმჯდომარე, "ქართული ოცნების" ერთ-ერთი ლიდერი ირაკლი კობახიძე.
„გვქონდა სხდომა საპარლამენტო უმრავლესობის ფორმატში, განვიხილეთ სხვადასხვა საკითხი. რა თქმა უნდა, გავარჩიეთ ის, რაც მოხდა გასული დღეების განმავლობაში, ეს იყო პრინციპში ერთ-ერთი მთავარი თემა ამ შეხვედრის. ასევე იყო საუბარი იმ გეგმებზე, რომლებიც გვაქვს მომდევნო კვირების განმავლობაში, მათ შორის, საპარლამენტო დღის წესრიგზეც გვქონდა საუბარი, დღეს არ გვიმსჯელია საპარლამენტო თანამდებობებზე, მოგვიანებით გვექნება ამაზე საუბარი“, - განაცხადა ირაკლი კობახიძემ.