ამ დროისათვის, "ქართული ოცნების" ოფისთან დაძაბული ვითარებაა. რამდენჯერმე მოხდა დაპირისპირება აქციის მონაწილეებსა და სამართალდამცველებს შორის. ერთ-ერთი შეხლა-შემოხლის დროს, აქციის მონაწილე დაშავდა. მას დახმარება სასწრაფო სამედიცინო დახმარების ბრიგადამ აღმოუჩინა.
აქციის მონაწილეებს "ქართული ოცნების" შენობის პიკეტირება სურთ.
აქციის მონაწილეები „ქართული ოცნების“ ოფისის ორივე შესასვლელთან იყვნენ განლაგებული და სხდომაზე დასასწრებად მისულ დეპუტატებს ე.წ. სირცხვილის კორიდორის გავლით ატარებდნენ შენობაში.
აქციას „ევროპული საქართველოს“ ერთ-ერთი ლიდერი ელენე ხოშტარია და მოძრაობა „სირცხვილიას“ წევრები მართავენ.
აქციის მონაწილეთა განცხადებით, მათი მიზანია, ოფისში მისულ უმრავლესობის წევრებს დისკომფორტი შეუქმნან.
