საქართველოს მეოთხე პრეზიდენტი გიორგი მარგველაშვილი შეუერთდა პარლამენტის წინ მიმდინარე აქციას, სადაც პოლიტიკური პარტიები და მოქალაქეები პარლამენტის მიერ პროპორციულ სისტემაზე გადასვლის საკონსტიტუციო ცვლილების ჩავარდნას აპროტესტებენ.
გიორგი მარგველაშვილის თქმით, რომელმაც კომენტარი ტელეკომპანია პირველთან გააკეთა, მას არ ჰქონდა მოლოდინი, რომ "ქართული ოცნება" აღნიშნულ ინიციატივას ჩააგდებდა.
მისივე თქმით, მას არ სურს პოლიტიკაში მობრუნება, მაგრამ ვითარება დრამატულია.
"მე ნამდვილად არ მინდა პოლიტიკაში მობრუნება, მაგრამ ვითარება დრამატულია… მე არ მინდა პოლიტიკაში მობრუნება, მაგრამ არ მინდა დიქტატურაში ცხოვრება", - თქვა მარგველაშვილმა.
შეგახსენებთ, დღეს, 14 ნოემბერს საქართველოს პარლამენტმა ჩააგდო კონსტიტუციური კანონის პროექტი პროპორციულ საარჩევნო სისტემაზე გადასვლის შესახებ.