საქართველოს სამედიცინო ასოციაციების გაერთიანება უკიდურეს შეშფოთებას გამოთქვამს საქართველოს ტრავმატოლოგ ორთოპედთა კავშირის თავმჯდომარის ბატონი ვაჟა გაფრინდაშვილის უკანონო დაკავების გამო.
"სამედიცინო სფეროს წარმომადგენლის დაკავება არის გაეროს თუ სხვა საერთაშორისო ორგანიზაციების მიერ აღიარებული ჰუმანიტარული ნორმის დარღვევა.
გვინდა მოვუწოდოთ ცხინვალის დე ფაქტო ხელისუფლებას გამოიჩინოს კეთილგონიერება და დაუყოვნებლივ გაათავისუფლოს უკანონო ტყვეობაში მყოფი ექიმი.
უამრავი ადამიანი ცხინვალის რეგიონიდან შეუზღუდავად იღებდა და დღესაც იღებს სამედიცინო დახმარებას ჩვენი ექიმებისგან.
ასევე მივმართავთ ცხინვალის სამედიცინო საზოგადოებას , იმ ადამიანებს რომლებთან ერთადაც ვზრუნავდით ჩვენი თანამოქალაქეების ჯანმრთელობაზე , გამოხატონ სამოქალაქო პოზიცია და ყველა ღონე იხმარონ, რათა დაუყოვნებლივ მოხდეს ბატონი ვაჟა გაფრინდაშვილის გათავისუფლება", აღნიშნულია განცხადებაში.