პრემიერ-მინისტრმა, გიორგი გახარიამ განთლების მინისტრს, მიხეილ ჩხენკელს დაავალა პროფესიულ განათლებას განსაკუთრებული ყურადღება მიაქციოს.
გახარიას თქმით, პროფესიული განათლება დღეს ყველაზე მნიშვნელოვანი გამოწვევაა.
„მინდა, დავავალო ბატონ მიხეილს, რომ განსაკუთრებული ყურადღება დავუთმოთ პროფესიულ განათლებას. პროფესიული განათლება დღეს არის ჩვენი ყველაზე მნიშვნელოვანი გამოწვევა, რათა შევძლოთ უახლოესი წლების განმავლობაში, აღმოფხვრათ ის დისბალანსი, რომელიც გვაქვს შრომის ბაზარზე და, ბატონო მიხეილ, მინდა, გთხოვოთ, ამას განსაკუთრებული ყურადღება დაუთმოთ“ ,- განაცხადა გიორგი გახარიამ.
