ქართულ ოცნებაში საპარლამენტო უმრავლესობის სხდომა იწყება. ცენტრალურ ოფისთან დეპუტატები იკრიბებიან. შეხვედრაზე პროპორციულ სისტემაზე გადასვლაზე უნდა იმსჯელონ, რასაც “ქართული ოცნების” მაჟორიტართა ნაწილი ეწინააღმდეგება.
მმართველი გუნდის მიერ შემუშავებულ კანონპროექტს, რომელიც 2020 წლის საპარლამენტო არჩევნების პროპორციული წესით ჩატარებას გულისხმობს, 0%-იანი ბარიერითა და ბლოკებად გაერთიანების აკრძალვით, პარლამენტი ორი დღეა, განიხილავს. პროექტის კენჭისყრა 13 ნოემბერს უნდა გამართულიყო, თუმცა, მმართველი გუნდის ნაწილი მაჟორიტარული სისტემის გაუქმებას მხარს არ უჭერს. მათ შორის არის დიმიტრი ხუნდაძეც. კენჭისყრა დღეისთვის გადაიდო.