საქართველოს პრეზიდენტი სალომე ზურაბიშვილი დღეს ბათუმში საქართველოს თავდაცვის და უსაფრთხოების მე-13 კონფერენციას - GDSC გახსნის და კონფერენციის მონაწილეებს სიტყვით მიმართავს.
კონფერენციაზე განიხილება შავი ზღვის უსაფრთხოების საკითხები, საქართველოს ნატოსა და ევროკავშირში ინტეგრაციის პროცესში მიღწეული პროგრესი და გაწევრიანების პერსპექტივები, ჰიბრიდული საფრთხეები და საქართველოს სტრატეგიული მზადყოფნა.
ღონისძიებაში მონაწილეობას მიიღებენ მაღალი რანგის ქართველი და უცხოელი პოლიტიკოსები, თავდაცვისა და უსაფრთხოების სფეროს ექსპერტები, სამოქალაქო საზოგადოების, მედიისა და აკადემიური წრეების წარმომადგენლები.