აშშ-ის ფინანსთა სამინისტრომ ირანის წინააღმდეგ ახალი სანქციების შესახებ განაცხადა.
სანქციები შეეხო ირანის შეირაღებული ძალების გენერალურ შტაბს.
ამას გარდა, სანქცირებულთა სიაში მოხვდა ცხრა ადამიანი, მათ შორის არის მოჯთაბა ხამენეი, რომელიც სავარაუდოდ, აიათოლა ალი ხამენეის შვილია.
თავის მხრივ, ირანის ხელისუფლებამ ახალ სანქციებს უსარგებლო უწოდეს. თეირანში აღნიშნეს, რომ სანქციების შესახებ მიღებული გადაწყვეტილება "ცხადყოფს" ვაშინგტონის "საცოდავ მდგომარეობას" და "დიპლომატიის რაციონალური მექანიზმის გამოყენების უუნარობას".
2015 წელს ირანმა და საერთაშორისო "ექვსეულმა" (რუსეთი, აშშ, საფრანგეთი, გერმანია, დიდი ბრიტანეთი და ჩინეთი) მიაღწიეს ყოვლისმომცველ მოქმედების გეგმას. გარიგება ითვალისწინებდა თეირანის წინააღმდეგ სანქციების მოხსნას ირანის ბირთვული პროგრამის შეზღუდვის საპასუხოდ.
თუმცა 2018 წელს დონალდ ტრამპმა განაცხადა, რომ აშშ-ი შეთანხმებას ტოვებდა და ირანის წინააღმდეგ მკაცრ სანქციებს აწესებდა.