დიდი ბრიტანეთის პარლამენტის თემთა პალატამ ახალ სპიკერად სერ ლინდსი ჰოილი აირჩია. კენჭისყრა ორშაბათს საღამოს გაიმართა.
62 წლის წლის ჰოილი 1997 წლიდან ლეიბორისტული პარტიის წევრია. იგი 2010 წელს აირჩიეს თემთა პალატის სპიკერის ჯონ ბერკოუს მოადგილედ.
ჰოილთან ერთად სპიკერის თანამდებობის მოსაპოვებლად იბრძოდა კიდევ 6 პარლამენტარი, თუმცა ჰოილის ყველაზე ძლიერ კონკურენტად კრის ბრაიანი მიიჩნეოდა.
საბოლოო ჯამში, 325 ხმით 213 ხმის წინააღმდეგ სპიკერის სავარძელი ლინდსი ჰოილს ერგო წილად.
ლინდსი ჰოილის თანამდებობის დაკავება უკვე მიულოცა ბრიტანეთის პრემიერ-მინისტრმა ბორის ჯონსონმა.
თავის გამოსვლაში ჰოილი პარლამენტის წევრებს დაჰპირდა, რომ მისი მუშაობის განმავლობაში პარლამენტი უკეთესობისკენ შეიცვლება.
ამჟამინდელი მოწვევის პარლამენტში ლინდსი ჰოილი სპიკერის თანამდებობაზე მხოლოდ ორი დღით იმუშავებს, ვინაიდან პარლამენტი 6 ნოემბერს შეაჩერებს მუშაობას 12 დეკემბერს დაგეგმილი საყოველთაო არჩევნების გამო.
თემთა პალატის ყოფილმა სპიკერმა ჯონ ბერკოუმ თანამდებობა გასულ თვეს დატოვა.