პარტია "ქართული ოცნება დემოკრატიული საქართველოს" დამფუძნებლის ბიძინა ივანიშვილის ვაჟი და მუსიკოსი ბერა ივანიშვილი ბრაზილიაში მიემგზავრება. ამის შესახებ ბერა ივანიშვილმა ფეისბუკზე დაწერა.
"ბრაზილია, მომავალ კვირას პირველად მივემგზავრები თქვენთან. მოუთმენლად ველოდები თქვენთან შეხვედრას. გთხოვთ, მომწეროთ რეკომენდაციები ბრაზილიაში მოგზაურობისთვის", - დაწერა ბერა ივანიშვილმა.
ცოტა ხნის წინ, საზოგადოებისთვის ცნობილი გახდა, რომ ბერა ივანიშვილი ამაზონის ტყის აღსადგენად 1.1 მლნ დოლარს გაიღებს.
