დიდი ბრიტანეთის პრემიერ-მინისტრმა ბორის ჯონსონმა შოტლანდიის დამოუკიდებლობის რეფერენდუმის ჩატარების შესაძლებლობა გამორიცხა, ვიდრე ის იქნება ბრიტანეთის მთავრობის მეთაური. იტყობინება BBC-ი.
ჯონსონმა განაცხადა, რომ მისი მთავრობა დამოუკიდებლობის თაობაზე კიდევ ერთი რეფერენდუმის ჩატარებას არ დაუშვებს.
მისივე თქმით, დამოუკიდებლობის საკითხი 2014 წელს ერთხელ უკვე წამოიჭრა და გადაწყდა კიდეც.
მანამდე შოტლანდიის პირველმა მინისტრმა ნიკოლა სტარჯონმა განაცხადა, რომ იგი კიდევ ერთხელ მიმართავს ლონდონს ე.წ. „30-ე მუხლის“ ამოქმედების მოთხოვნით, რაც ლონდონისგან რეფერენდუმის ჩატარებაზე თანხმობის მიღებას ითვალისწინებს.
კანონმდებლობით დამოუკიდებლობის რეფერენდუმის ჩატარებისთვის ლონდონის თანხმობა აუცილებელია.
2014 წელს შოტლანდიაში დამოუკიდებლობის შესახებ პირველი რეფერენდუმი გაიმართა, სადაც მოქალაქეების უმეტესობამ, 55%-მა გაერთიანებულ სამეფოში დარჩენა ისურვა.