სირიის პრეზიდენტმა ბაშარ ასადმა დონალდ ტრამპს აშშ-ის ისტორიაში საუკეთესო პრეზიდენტი უწოდა. მისი თქმით, ტრამპი საუკეთესო იმიტომ არის, რომ ღიად საუბრობს თავის მიზნებზე - მაგალითად ამბობს, რომ სურს ნავთობის საბადოებზე კონტროლის დამყარება. ასადმა ამის შესახებ სირიის სახელმწიფო ტელევიზიასთან ინტერვიუში განაცხადა.
"ის საუკეთესოა არა კარგი პოლიტიკის გამო, არამედ იმიტომ, რომ გაცილებით გამჭვირვალეა, ის პირდაპირ ამბობს: "ჩვენ გვინდა ნავთობი", "გვსურს თავიდან მოვიშოროთ", "გვსურს ვინმეს სამსახური გავუწიოთ ფულის სანაცვლოდ". ასეთია აშშ-ის პოლიტიკა, რა არის იმაზე კარგი, ვიდრე გულადხილი მტერი?- განაცხადა ასადმა.
მან აღნიშნა, რომ საერთოდ აშშ-ის პრეზიდენტები დამნაშავეები არიან, უფრო მეტიც ისინი, ხანდახან მშვიდობის დარგში ნობელის პრემიასაც იღებენ.