შეერთებული შტატების წარმომადგენელთა პალატამ მიიღო რეზოლუცია, რომელიც მკაცრად ეწინააღმდეგება რუსეთის დიდ შვიდეულში დაბრუნების მცდელობას, ვიდრე ის არ შეასრულებს საერთაშორისო სამართლის პრინციპებსა და ვალდებულებებს.
კონგრესის რეზოლუციის შესახებ ინფორმაციას დოკუმენტის ერთ-ერთი ავტორი, დემოკრატი კონგრესმენი ნიუ ჯერსის შტატიდან, ალბიო საირესი ავრცელებს.
დოკუმენტის თანახმად, რუსეთის ფედერაციას დიდი შვიდეულის შემადგენლობაში ვერ დაბრუნდება, ვიდრე იგი "პატივს არ სცემს მეზობელი ქვეყნების ტერიტორიულ მთლიანობას" და არ დაიცავს "დემოკრატიული საზოგადოების პრინციპებს".
დიდ შვიდეულის შემადგენლობაში შედიან გერმანია, აშშ, კანადა, იაპონია, საფრანგეთი, დიდი ბრიტანეთი და იტალია.
1998 წელს გაფართვოდა დიდი შვიდეულის შემადგენლობა, შეემატა რა რუსეთის ფედერაცია, თუმცა 2014 წელს უკრაინის კუთვნილი ყირიმის ნახევარკუნძულის ანექსიის შემდეგ, დაატოვებინეს შემადგენლობა.
დიდი შვიდეულის ბოლო სამიტზე, რომელიც ცოტა ხნის წინ საფრანგეთში, ბიარიცის სანაპიროზე გაიმართა, შეერთებული შტატების პრეზიდენტის მხრიდან გამოითქვა სურვილი, რომ რუსეთი დაბრუნებოდა დიდ შვიდეულს, რასაც შეეწინააღმდეგა სხვა წევრი ქვეყნების უმრავლესობა.
ამერიკელმა დემოკრატმა კონგრესმენმა, ალბიო საირესმა, რუსეთის "დიდ შვიდეულში" (G7) დაბრუნების წინააღდეგ, კონგრესს კანონპროექტი სექტემბრის დასაწყისში წარუდგინა.
