იაპონიის ქალაქ იოკოჰამას ერთ-ერთი სავაჭრო ცენტრიდან მოიპარეს 50-კარატიანი ბრილიანტი, რომლის ღირებულება 200 მლნ იაპონურ იენს შეადგენს (1.8 მლნ დოლარი). იტყობინება იაპონური სააგენტო Kyodo.
ბრილიანტის დაკარგვის ფაქტი, ძვირფასეულობის გამოფენის დახურვის დროს აღმოაჩინეს.
როგორც იუწყებიან, ბრილიანტის გარდა სხვა სამკაულები არ დაკარგულა.
სათვალთვალო კამერების ჩანაწერებში ნახეს, რომ დროის გარკვეულ მონაკვეთში, ბრილიანტთან ხანდაზმული მამაკაცი რამდენიმე ქალთან ერთად შეყოვნდა, თუმცა ჯერჯერობით არ დასტურდება, უკავშირდება თუ არა ეს ჯგუფი ბრილიანტის დაკარგვას.