საქართველოს მოქალაქეებისთვის სავიზო რეჟიმის გაუქმებაზე საუბარი ჯერ ნაადრევია, - ამის შესახებ რუსეთის საგარეო საქმეთა მინისტრის მოადგილემ ანდრეი რუდენკომ რუსულ მედიას განუცხადა. მისი თქმით, ჯერ აუცილებელია კრიზისამდე არსებულ ვითარებასთან დაბრუნება.
"რაც შეეხება საქართველოს მოქალქეებისთვის რუსეთის ვიზების გაუქმებას, ეს საკითხი ნამდვილად განიხილებოდა ივნისის მოვლენებამდე", - განაცხადა რუდენკომ და დასძინა, რომ საქართველოს წინააღმდეგ შემდგომი სანქციები თბილისში, ივნისში მომხსარი ანტირუსული პროვოკაციების პასუხად დაწესდა.
"ამ ეტაპზე ამაზე საუბარი ნაადრევია. საიჭიროა სულ მცირე კრიზისამდე არსებულ ვითარებამდე დაბრუნება", - აღნიშნა რუდენკომ.
20 ივნისს საპარლამენტთაშორისო მართლმადიდებლურ ასამბლეაზე საქართველოს პარლამენტის თავმჯდომარის სავარძელზე რუსი დეპუტატის სერგეი გავრილოვის მოკალათებას მასობრივი პროტესტი მოპყვა.
საპროტესტო აქცია ხელისუფლებამ ცრმელსადენი გაზითა და რეზინის ტყვიებით დაშალა, დაშავდა 240 ადამიანი.
20-21 ივნისის მოვლენების შემდეგ რუსეთმა საქართველოსთან ავიმიმოსვლა შეწყვიტა.