100-მდე ადამიანი დაშავდა კატალონიაში არეულობების შედეგად. სამედიცინო დახმარება 96 დაშავებულს გაეწია.
დაშავებულთა შორის არიან სამართალდამცველებიც. დაკავებულია აქციის 50 მონაწილე.
კატალონიაში მასობრივი არეულობები 14 ოქტომბერს მას შემდეგ დაიწყო, რაც უმაღლესმა სასამართლომ 12 კატალონიელ პოლიტიკოსს 2017 წელს რეფრენდუმის გამართვასთან და კატალონიის დამოუკიდებლობის გამოცხადებასთან კავშირის გამო განაჩენი გამოუტანა.
ცხრა ადამიანი სასამართლომ დამნაშავედ ცნო ამბოხში და მათ 9-დან 13 წლამდე პატიმრობა მიუსაჯა, სამი ადამიანი დამნაშავედ ცნეს დაუმორჩილებლობაში და ჯარიმის გადახდა დააკისრეს.
