თბილისში, ლისის ტბის მიმდებარე ტერიტორიაზე დაჭრილი 41 წლის გოჩა ფეხვაძე დღეს საავადმყოფოში გარდაიცვალა. სისხლიანი გარჩევა ლისის ტბაზე 6 ოქტომბერს მოხდა.
მამაკაცი ჯერ ლისის ტბის მიმდებარე ტერიტორიაზე დაჭრეს, შემდეგ კი შარტავას ქუჩაზე, მის საცხოვრებელ სახლთან ავტომობილით მიიყვანეს და დატოვეს.
მამაკაცს მრავლობითი ჭრილობები ცეცხლსასროლი და ცივი იარაღით ჰქონდა მიყენებული.ექიმების განცხადებით, ჭრილობები სიცოცხლესთან შეუთავსებელი აღმოჩნდა.
შინაგან საქმეთა სამინისტროს ინფორმაციით, მომხდარზე გამოძიება საქართველოს სსკ-ის 236-ე მუხლის, მესამე და მეოთხე ნაწილით, 117-ე და 143-ე მუხლებითაა აღძრული, რაც ცეცხლსასროლი იარაღის უკანონო შეძენა/შენახვა/ტარებას, ჯანმრთელობის განზრახ მძიმე დაზიანებას და თავისუფლების უკანონოდ აღკვეთას გულისხმობს.