საპარლამენტო უმცირესობის ერთ-ერთი ლიდერი, პაატა დავითაია ევროკავშირის ელჩებს ოკუპირებულ ტერიტორიებზე შექმნილი ვითარების შესახებ ინფორმაციას გააცნობს.
დავითაია ვარაუდობს, რომ ევროკავშირის წარმომადგენლები ინფორმაციის მიღების შემდეგ მკვეთრი განცხადებებს გააკეთებენ.
"პირადად მექნება შეხვედრა ელჩებთან. ვაპირებ დავაყენო საკითხად ის მოვლენები, რა მოვლენებიც ვითარდება ოკუპირებულ ტერიტორიებზე, დაწყებული ბავშვების გატაცებით, დამთავრებული იმ საფრთხეებით, რა საფრთხეებსაც ქმნის საოკუპაციო ჯარები საქართველოს ტერიტორიაზე. აქედან გამომდინარე, მე ვფიქრობ, რომ ძალიან მკვეთრი შეფასება მოჰყვება ევროკავშირის ელჩებისაგან ამ სიტუაციას და დარწმუნებული ვარ, რომ ევროკავშირი გააკეთებს განცხადებას საქართველოს ოკუპირებულ ტერიტორიებთან დაკავშირებით", _ განაცხადა პაატა დავითაიამ.