ამ კაცს ბევრი აქვს ქვეყნისთვის გაკეთებული, მაგრამ რაც შექმნა ქველმოქმედების გარეთ, ის სისტემა, არის მიუღებელი , - განაცხადა საზოგადოებრივი მოძრაობა „ლელოს“ დამფუძნებელმა მამუკა ხაზარაძემ ტელეკომპანია „პირველის“ ეთერში, ინგა გრიგოლიას გადაცემაში სტუმრობისას.
მისი თქმით, ეს სისტემა არის ერთ კაცზე ჩამოკიდებული, ჩრდილოვანი მართვის სისტემა.
„ვინმეს არ ეგონოს, რომ არ ვუფასებ იმ ღვაწლს, რაც ბიძინა ივანიშვილს ქვეყნის წინაშე აქვს გაკეთებული, მთელი სერიოზულობით ვლაპარაკობ. იმიტომ, რომ უმადურობა არის ყველაზე ცუდი რამ და ქართველები როგორა ვართ იცი? თუ ვიღაცას ეჭიდავები და დისკუსიაში, აუცილებლად ყველაფერი... ამ კაცს ძალიან ბევრი რამე აქვს ქვეყნისთვის გაკეთებული, მაგრამ ის რაც შექმნა ქველმოქმედების გარეთ, ის სისტემა, რომელშიც ჩვენ აღმოვჩნდით, არის მიუღებელი. ეს სისტემა არის ერთ კაცზე ჩამოკიდებული, ჩრდილოვანი მართვის სისტემა. State capture ჰქვია ამას - სახელმწიფოს პრივატიზება, მისი ინსტიტუტების პრივატიზება. ამასთან გვაქვს საქმე.
დღეს, თიბისი ბანკის დამფუძნებელმა, მამუკა ხაზარაძემ ანაკლიაში თავისი საზოგადოებრივი მოძრაობის პრეზენტაცია გამართა. მოძრაობას "ლელო" ერქმევა.