საქართველოს ტერიტორიული მთლიანობა ეჭვქვეშ არასოდეს დადგება და აფხაზეთთან და ცხინვალთან ერთად გახდება ნატო-ს წევრი, - განაცხადა პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა ნატო-ს ყოფილი გენერალური მდივნის, ანდერს ფოგ რასმუსენის განცხადების შეფასებისას.
„რასმუსენი მოსაზრება არსებობს ნატო-ს წესდების მეხუთე მუხლის გამოყენებაზე. ანუ, შეუძლია თუ არა საქართველო ნატო-ს წევრი თავისი ტერიტორიული მთლიანობით გახდეს, თუმცა მეხუთე მუხლი ოკუპირებულ ტერიტორიებს არ შეეხოს ისე, როგორც ეს დასავლეთ და აღმოსავლეთ გერმანიის შემთხვევაში მოხდა. საქართველოს ტერიტორიული მთლიანობა ყველა საერთაშორისო საზოგადოების მხრიდან აღიარებულია და საქართველო ნატო-ს წევრი გახდება აფხაზეთთან და ცხინვალთან ერთად. ამ თემაზე ოფიციალური განხილვა არასოდეს ყოფილა, ეს არის მხოლოდ ექსპერტების მოსაზრება, ეფუძნებიან რა გამოცდილებას“, – განაცხადა სესიაშვილმა.