პატრიოტთა ალიანსის დეპუტატი ემზარ კვიციანი 16:00-ზე "სირცხვილიას" კონტრაქციას აანონსებს. კვიციანმა თანამოაზრეებს აქციაზე მისვლისკენ მოუწოდა. "პატრიოტთა ალიანის" შეკრება დღეს სპორტის სასახლე იყო დაგეგმილი, თუმცა კვიციანმა მოუწოდა მათ პარლამენტთან მივიდნენ.
პარლამენტმა მიმართვა ფეისბუკის საშუალებით გაავრცელა“
"რამდენჯერ გამივლია ამათ შორის, არასოდეს მსგავსი თავდასხმა არ გაუბედიათ ამ უცხო ქვეყნის სპეცსამსახურისგან მართულ მოღალატეებს! დღეს მითუ მეტეს, რომ ჩვენ მხარი არ დაუჭირეთ მთავრობას, თავდასხმის მიზეზი რა შეიძლება ყოფილიყო??? ნახეთ გუშინდელი ჩემი გამოსვლის კადრები და მიხვდებით თუ ვისგან იმართება პროცესები! კიდევ რა ლუსტრაცია ჭირდება იმ მოვლენებს, რაც ჩვენს ქვეყანაში ხდება??? ყველაფერი უბედურება მოდის სუსიდან, რომელშიც უამრავი უცხო ქვეყნის რეზიდენტი(აგენტი)ბუდობს!!!
16:00-ზე გთავაზობთ, პირდაპირ შევიკრიბოთ პარლამენტის წინ და გავწმინდოთ ჩვენი დედაქალაქი ქვეყნის მტრებისგან !!! ვეტერანებო, ვინც ნამდვილად იბრძოდით ჩვენი ქვეყნის მომავლისთვის, ვისაც ზურგში არ გისვრიათ ჩვენთვის, ვინც ვიბრძოდით ტერიტორიული მთლიანობისთვის, ყველას გელოდებით პარლამენტის წინ! ვინც გამყიდველ სუსის თანამშრომლებს არ ექვემდებარებით, გელოდებით, ვინც არ ხართ იგორა გიორგაძესთან და ბოკერიასთან შეკრული, გელოდებით პარლამენტის წინ! დღეს 8 სექტემბერია და 27 სექტემბრამდე უნდა გავწმინდოთ ქვეყანა მტრებისგან!!! დიდება ღმერთს" - წერს კვიციანი.
ემზარ კვიციანი პარლამენტის შენობის წინ მიმდინარე ანტისაოკუპაციო აქციის „სირცხვილიას“ მონაწილეებთან მივიდა. აქტივისტებმა კვიციანს რუსეთის მონა უწოდეს, რის საპასუხოდ კვიციანმა აქციის მონაწილეებსა და პოლიციას სიტყვიერი შეურაცხყოფა მიაყენა.