დღეს, 12 ნოემბერს, 11:00 საათზე იუსტიციის სამინისტროს ეროვნული არქივის ხელმძღვანელი თეონა იაშვილი პირადად გაეცნობა ქუთაისის ცენტრალურ არქივში მოქალაქეთა მომსახურების ელექტრონული პროგრამის მუშაობას.
მომსახურების ელექტრონულ სისტემაში ქუთაისი უკვე ჩაერთო. დღეიდან ქუთაისის მაცხოვრებლებს შეუძლიათ არა მხოლოდ ქუთაისის არქივიდან, არამედ თბილისში მდებარე ცენტრალური და ადგილობრივი არქივებიდან მიიღონ მათთვის საჭირო ცნობები.
მეორე მხრივ, ქუთაისის ცენტრალურ არქივში დაცული მასალების მიხედვით ცნობის აღება თბილისიდან გახდა შესაძლებელი.
