დანიის მთავრობა გეგმავს, ცირკისგან გამოისყიდეოს ოთხი გაწვრთნილი სპილო და ისინი ეროვნულ პარკებს გადასცეს. ინფორმაციას ადგილობრივი მედია ავრცელებს.
აღსანიშნავია, რომ დანიაში საცირკო წარმოდგენებზე მხოლოდ სპილოები, ზღვის ლომები და ზებრები გამოჰყავთ.
დანიის მთავრობა სპილობის - რამბოლინის, ლარას, ჯუნგასა და ჯენის გამოსყიდვისთვის 11 მილიონ კრონს (1.6 მლნ აშშ დოლარი) გადაიხდის.
გამოსყიდვის შემდეგ სპილოებს ეროვნულ პარკს გადასცემენ, თუმცა ჯერჯერობით უცნობია მათი კონკრეტული ადგილსამყოფელი.
"სპილოებს გავგზავნით ისეთ ადგილას, სადაც მათი კეთილდღეობა უმაღლეს დონეზე იქნება უზრუნველყოფილი", - განაცხადა სოფლის მეურნეობის მინისტრმა.
მსოფლიოს 40-ზე მეტმა ქვეყანამ, რომელთა შორის დაახლოებით ნახევარი ევროპული ქვეყანაა, შეზღუდა ან აკრძალა ზოოპარკებში ან ცირკებში გარეული ცხოველების ყოფნა.