გერმანიის პრეზიდენტი ფრანკ-ვალტერ შტაინმაიერი პოლონეთს ნაცისტური ტირანიის გამო პატიებას სთხოვს. შტაინმაიერმა აღნიშნული განცხადება პოლონეთში, მეორე მსოფლიო ომის დაწყებიდან 80 წლისთ იუბილესთან დაკავშირებულ ღონისძიებაზე გააკეთა. იუწყება BBC-ი.
ფრანკ-ვალტერ შტაინმაიერმა დაგმო ნაცისტური გერმანიის სურვილი, გაენადგურებინა პოლონეთი.
"ქედს ვიხრი გერმანული თავდასხმის მსხვერპლთა წინაშე და მათ პატიებას ვთხოვ", - თქვა პრეზიდენტმა გერმანულ და პოლონურ ენებზე.
გერმანიის პრეზიდენტთან ერთად, ცერემონიაზე სიტყვით გამოვიდა პოლონეთის პრეზიდენტი ანჯეი დუდა, რომელმაც ნაცისტური გერმანიის თავდასხმას "ბარბაროსული აქტი" უწოდა.
გერმანიის პრეზიდენტი და მსოფლიოს სხვა ლიდერები იმყოფებიან პოლონეთში, მეორე მსოფლიო ომის დაწყებიდან 80 წლის იუბილესთან დაკავშირებულ ღონისძიებაზე.
დღეს, დილით პოლონეთის ქალაქ ველიუნში, სადაც პირველი გერმანული ბომბი ჩამოვარდა, გაიმართა ცერემონია.
ცერემონიაზე წუთიერი დუმილით პატივი მიაგეს დაღუპულთა ხსოვნას.