2020 წლის 9 მაისს მოსკოვში, ფაშიზმზე გამარჯვების 75 წლის აღსანიშნავ ღონისძიებაზე დასასწრებად მოწვეულია უკრაინის პრეზიდენტი ვოლოდიმირ ზელენსკი. იუწყება რუსული სახელმწიფო სააგენტო "ტასი" კრელმის პრესსპიკერის იური უშაკოვზე დაყრნობით.
"უკრაინის პრეზიდენტს მოსაწვევი უკვე გაეგზავნა", - განაცხადა კრემლის პრესსპიკერმა.
მისივე თქმით, მსოფლიოს 17 ქვეყნის ლიდერმა უკვე დაადასტურა ღონისძიებაში მონაწილეობა.
"ჩვენ უკვე გვაქვს 17 დასტური მსოფლიოს სხვადასხვა ქვეყნიდან. ძალიან მასშტაბური საერთაშორისო ღონისძიება იქნება, რადგან იგი ეძღვნება ჩვენთვის და არამხოლო ჩვენთვის მნიშვნელოვან თარიღს", - დასძინა მან.
ღონისძიებაში მონაწილეობას მიიღებენ ინდოეთის, კუბის, საფრანგეთის, ჩეხეთის რესპუბლიკის, ვენესუელის, ბელარუსის, სომხეთის, ბულგარეთისა და სერბეთის ლიდერები.