საფრანგეთის ქალაქ ბიარიცში 24-26 აგვისტოს დიდი შვიდეულის ქვეყნების ლიდერების სამიტი მიმდინარეობს.
საკურორტო ქალაქი ბიარიცი საფრანგეთის სამხრეთ-დასავლეთით, ატლანტის ოკეანის სანაპირტოზე მდებარეობს.
სამიტის მთავარი თემებია ირანში არსებული სიტუაცია, ჰონკონგის პროტესტები, სირიის კონფლიქტი, ასევე ინდოეთსა და პაკისტანს შორის ქაშმირის გამო არსებული დაძაბულობა.
სამიტის პირველ დღეს G7-ის ქვეყნების ლიდერები განიხლავდნენ ირანის ბირთვულ პროგრამას. მხარეები შეთანხმდნენ, რომ თეირანს არ უნდა მიეცეს უფლება ფლობდეს ბირთვულ იარაღს და და შეჯერდნენ რეგიონში მშვიდობისა და სტაბილურობის დამყარების იდეაზე. ამავე დღეს საუბარი იყო დიდ შვიდეულში რუსეთის დაბრუნების შესაძლებლობაზეც.
G7-ს ქვეყნების ლიდერებმა, მათმა ცოლებმა და სამიტის სტუმრებმა მონაწილეობა მიიღეს ტრადიციულ ერთობლივ ფოტოსესიაში. ფოტოგრაფებმა აღბეჭდეს მომენტები, როდესაც საფრანგეთის პრეზიდენტის მეუღლე ბრიჯიტ მაკრონი კოცნის ამერიკელ სტუმარს, დონალდ ტრამპის მეუღლე მელანია კი კანადის პრემიერ-მინისტრთან ჯასტინ ტრიუდოსთან კოცნის დროს დააფიქსირეს.
ფოტოგრაფების განსაკუთრებული ყურადღება მიიქცია ასევე კანადის პრემიერ-მინისტრის გარეგნობამ. ტრიუდოს მკაცრი სტილის კოსტიუმი და ფეხსაცმელი შეხამებულია მხიარულ წინდებთან, რაც უკვე მის სავიზიტო ბარათს წარმოადგენს.
დიდი ბრიტანეთის პრემიერ-მინისტრი ბორის ჯონსონი პირველად იმყოფება G7-ის სამიტზე, სადაც მოლაპარაკებების ერთ-ერთი ძირითადი თემა ბრიტანეთის ევროკავშირიდან გასვლის საკითხია. ჯონსონი მანამდე არაერთხელ აცხადებდა, რომ ბრიტანეთი ყველა შემთხვევაში დატოვებს ევროკავშირს ბრიუსელთან შეთანხმებულ ვადებში - 31 ოქტომბერს.
საფრანგეთის პრეზიდენტის მეუღლემ ბრიჯიტ მაკრონმა G7-ის ქვყნების ლიდერების ცოლები ფრანგულ სოფელ ესპელეტში მიიღო.
სოფლის შემოგარენში დიდი ხანია მოყავთ წითელი წიწაკა, რომელიც ბასკური სამზარეულოს მთავარი ინგრედიენტია.
მოლაპარაკებების დროს აშშ-ის პრეზიდენტმა დონალდ ტრამპმა და დიდი ბრიტანეთის პრემიერ-მინისტრმა ბორის ჯონსონმა Brexit-ის შემდეგ ორი ქვეყნის ურთიერთობის საკითხი განიხილეს.
ორგანიზაცია Oxfam-ის აქტივისტებმა საპროტესტო აქცია გამართეს და სამიტის დღის წერიგში ამაზონის ტყის ხანძრების პრობლემის შეტანა მოითხოვეს.
ფრანგმა მხატვარმა სემ დუგადოსმა სამიტის ლიდერებს მოუწოდა არ დაივიწყონ გენდერული თანასწორობის საკითხი და ქვიშაზე მათი პორტრეტები გამოსახა.