სულ მცირე 13 ადამიანი ემსხვერპლა ჩინეთში ტაიფუნ „ლეკიმას“, მილიონზე მეტი ადამიანი იძულებული გახდა საკუთარი საცხოვრებელი სახლები დაეტოვებინა.
ჩინური სახელმწიფო მედიის ინფორმაციით, ტაიფუნის შედეგად გამოწვეული მეწყერის შემდეგ, უგზო-უკვლოდ დაიკარგა 16 ადამიანი. ათასობით ადამიანი კი დაშავდა.
ჩინეთის მეტოროლოგიურმა სამსახურებმა „ლეკიმას“ სუპერ ტაიფუნი უწოდეს.
ტაიფუნმა შესაძლოა ჩინეთის ფინანსური დედაქალაქისკენ, შანხაისკენ გადაინაცვლოს, სადაც 20 მლნ-ზე მეტი ადამიანი ცხოვრობს. თუმცა ვარაუდობენ, რომ შესაძლოა ტაიფუნმა, სანამ შანხაიმდე მიაღწევს, სიმძლავრე დაკარგოს და ნაკლები დაზიანება გამოიწვიოს.
ხელისფლებამ ტაიფუნის გამო 1000-ზე მეტი ავიარეისი და მატარებლის მოძრაობა გააუქმა.
