ნიკა გვარამიამ პროკურატურა ცოტა ხნის წინ დატოვა. მას ბრალის დადგენილება ოფიციალურად გადასცეს. გვარამიამ პროკურატურის ეზოში ბრალის დადგენილება საჯაროდ დახია.
"რუსთავი 2-ის" გენერალური დირექტორის განცხადებით, ბრალში არ დევს ის ეპიზოდი, რომელზეც დღეს პროკურორმა, ამირან გულუაშვილმა ბრიფინგზე ისაუბრა. საქმე ეხება ბინების საკითხს.
"ამ იდიოტიზმს არ წავიკითხავ. ეს არის სამარცხვინო. ეს არის კატასტროფა და რაც გულუაშვილმა გააკეთა, ტყუილი ფაქტების და ჭორაობის, აბსოლუტურად ტყუილად ბრალში არმყოფი ეპიზოდის იქ მოყოლა დაუჯდება პატიმრობად. ყველა ეს ნაბიჭვარი, ვინც ამ საშინელებებს აკეთებს, ჩაჯდება ციხეში. არ ვაპატიებ არავის, საქართველოში პუტინის სტილით პოლიტპატიმრების გაჩენას. ამ ქვეყანაში რა პლატფორმაც არ უნდა იყოს ამ დედა მო.. სვავის გასაგდებად, მასში მივიღებ მონაწილეობას, თუ გინდათ კომბალს დავიჭერ, თუ გინდათ საარჩევნო მანდატს. ვუთხარი, რომ არანაირ გირაოს არ გადავიხდი,“ - განაცხადა ნიკა გვარამიამ.
"რუსთავი 2"-ის ყოფილ გენერალურ დირექტორს ნიკა გვარამიას ბრალი წაუყენეს. გამოძიების მტკიცებით, ნიკა გვარამიას მიერ საწარმოს ხელმძღვანელობითი და წარმომადგენლობითი უფლებამოსილების ბოროტად გამოყენებით "სამაუწყებლო კომპანია რუსთავი 2"-მა ვერ მიიღო 6 763 510 ლარი, რითაც საწარმოს დიდი ოდენობით ზიანი მიადგა.
ნიკა გვარამია დღეს ბრალდების შესახებ დადგენილების წარდგენის მიზნით საქართველოს გენერალურ პროკურატურაში არის დაბარებული. ბრალის წარდგენის შემდეგ საქართველოს გენერალური პროკურატურა სასამართლოს მიმართავს აღკვეთის ღონისძიების შეფარდების შუამდგომლობით.
"რუსთავი 2"-ის ყოფილ გენერალურ დირექტორს ნიკა გვარამიას ბრალი წაუყენეს. გამოძიების მტკიცებით, ნიკა გვარამიას მიერ საწარმოს ხელმძღვანელობითი და წარმომადგენლობითი უფლებამოსილების ბოროტად გამოყენებით "სამაუწყებლო კომპანია რუსთავი 2"-მა ვერ მიიღო 6 763 510 ლარი, რითაც საწარმოს დიდი ოდენობით ზიანი მიადგა.
ნიკა გვარამია დღეს ბრალდების შესახებ დადგენილების წარდგენის მიზნით საქართველოს გენერალურ პროკურატურაში არის დაბარებული. ბრალის წარდგენის შემდეგ საქართველოს გენერალური პროკურატურა სასამართლოს მიმართავს აღკვეთის ღონისძიების შეფარდების შუამდგომლობით.
