უკრაინის ვადამდელ საპარლამენტო არჩევნებში პრეზიდენტ ზელენსკის პარტია "ხალხის მსახური" ლიდერობს. ცოტა ხნის წინ, ცნობილი გახდა უკრაინის ვადამდელი საპარლამენტო არჩევნების ეგზიტპოლის შედეგები.

ეგზიტპოლის შედეგების მიხედვით, საპარლამენტო არჩევნებში ლიდერობს უკრაინის პრეზიდენტის, ვოლოდიმირ ზელენსკის პარტია "ხალხის მსახური", რომელსაც ხმა ამომრჩეველთა 43,9 პროცენტმა მისცა.

მეორე ადგილზეა "ოპოზიციური პლატფორმა - სიცოცხლისთვის" 11,5 %-ით. მესამე ადგილზე გავიდა უკრაინის ყოფილი პრეზიდენტის პეტრო პოროშენკოს პარტია "ევროპული სოლიდარობა", რომელმაც ამომრჩეველთა ხმებით 8,9 %-ის მობილიზება შეძლო.

მეოთე ადგილზე გავიდა უკრაინის ყოფილი პრემიერ-მინისტრის, იულია ტიმოშენკოს პარტია "ბატკივშინა", 7.6 %-ით. მეხუთეზე კი როკ მუსიკოს ვლადისლავ ვაკარჩუკის პარტია „გოლოსი“ 6,3% პროცენტით.

უკრაინის ცენტრალური საარჩევნო კომისია არჩევნების პირველად შედეგებს გვიან ღამით გამოაქვეყნებს.