სულ მცირე ორი ადამიანი დაიღუპა ინდოეთის ქალაქ მუმბაიში ოთხსართულიანი საცხოვრებელი სახლის ჩამონგრევის შედეგად. 40-ზე მეტი ადამიანი კი ნანგრევების ქვეშ არის მოყოლილი. ამის შესახებ ინფორმაციას CNA-ის სინგაპურის გამოცემა წერს.
მედიის ცნობით, ინციდენტი დილით მოხდა. ინციდენტის მიზეზები ჯერ უცნობია. ადგილზე პოლიციელები და საგანგებო სიტუაციების მართვის სამსახურის წარმომადგენლები მუშაობენ. ამ დროისთვის დადასტურებულია ინფორმაცია, რომ მაშველებმა ხუთი ადამიანის გადარჩენა მოახერხეს.
თვითმხილველთა ცნობით, შენობა დაახლოებით ასი წლის წინ იყო აშენებული.
