თბილისი პრაიდთან დაკავშირებით, საქართველოში ნიდერლანდების საელჩო ჰოლანდიელ ტურისტებს აფრთხილებს. შესაბამისი განცხადება ნიდერლანდების საელჩოს ოფიციალურ ფეისბუკგვერზე ვრცელდება.
"18-23 ივნისს, თბილისში გამოცხადებულია თბილისი პრაიდის კვირეული. ჰოლანდიელ ტურისტებს ვურჩევთ, დისტანცია დაიცვან თბილისი პრაიდიდან, რადგან არსებობს რისკი იმისა, რომ კონტრაქციის მონაწილეების მხრიდან ძალადობრივ კონფრონტაციას ჰქონდეს ადგილი.
შინაგან საქმეთა სამინისტრომ განაცხადა, რომ ვერ უზრუნველყოფს უსაფრთხოების გარანტიას, თუმცა დაცვის პირობა დადო“, აღნიშნულია ნიდერლანდების საელჩოს მიერ გავრცელებულ განცხადებაში.