პრემიერ-მინისტრმა მამუკა ბახტაძემ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პოსტზე ეკატერინე ტიკარაძე წარადგინა.
ბახტაძის თქმით, ეკატერინე ტიკარაძეს აქვს დიდი გამოცდილება ამ სფეროში. "ის რეფორმები, რომელიც ქალბატონ ეკას აქვს გასატარებელი არის ძალიან რთული და დიდი გამოწვევა. აქედან გამომდინარე, მას აქვს ჩვენი სრული მხარდაჭერა", - განაცხადა ბახტაძემ.
რაც შეეხება დავით სერგეენკოს, ის პრემიერ-მინისტრის მრჩევლის პოსტს დაიკავებს. ბახტაძის თქმით, ის ამ პოსტზე იქნება ისეთივე წარმატებული, როგორც მინისტრის პოსტზე.
ეკატერინე ტიკარაძე საჩხერის საავადმყოფოში 2009 წლიდან მუშაობს, 2015 წელს კი მან კლინიკის დირექტორის პოსტი დაიკავა.
მამუკა ბახტაძემ დავით სერგეენკოს გაწეული მუშაობისთის მადლობა გადაუხადა. დავით სერგეენკო მინისტრად 2012 წელს დაინიშნა. მანამდე ის საჩხერის საავადმყოფოს ხელმძღვანელობდა.
