ინდოელი ილუზიონისტი, რომელიც წყალში ჯაჭვებით დაბმული ჩავიდა და ჰარი ჰოდინის ცნობილი ნომრის შესრულება სცადა, სავარაუდოდ დაიღუპა. ამის შესახებ BBC-ი წერს.
ჩანჩალ ლაჰირის მდინარეში ჩასვლით ტანზე მჭიდროდ შეკრული ჯაჭვები უნდა გაეხსნა, თუმცა ის წყლიდან არ ამოსულა. ვარაუდობენ, რომ ის მდინარემ გაიტაცა.
ჩანჩალ ლაჰირი მდინარეში ნავიდან ჩახტა. მის ნომერს ათობით ადამიანი ესწრებოდა.
პოლიციელები და მყვინთავები ილუზიონისტს უწყვეტ რეჟიმში ეძებენ, თუმცა ამ დრომდე გაუჩინარებულად ითვლება. ერთ-ერთი პოლიციელის განცხადებით, ილუზიონისტს გარდაცვლილად ვერ გამოაცხადებენ, ვიდრე მისი გვამი ნაპოვნი არ იქნება.
ფოტოგრაფი, რომელიც პროცესს ესწრებოდა, ჩაყვინთვამდე რამდენიმე წუთით ადრე ილუზიონისტს ესაუბრა და ჰკითხა, თუ რატომ რისკავდა საკუთარ სიცოცხლეს, რაზეც ჩანჩალა ლაჰირიმ ასე უპასუხა:
„თუ ყველაფერს სწორად გავაკეთებ ეს იქნება მაგია, და თუ რამე შემეშლება მაშინ- ტრაგიკული შემთხვევა. თუ ყველაფერი კარგად ჩაივლის ახალგაზრდებს მაგიის მიმართ ინტერესი გაუჩნდებათ“,- განაცხადა გაუჩინარებულმა ილუზიონისტმა.
ლაჰირი ამ მდინარეში 20 წლის წინაც ჩავიდა, თუმცა მაშინ მდინარეში ჩაძირული მინის ყუთიდან უსაფრთხოდ გამოძვრა.