ჰონგ კონგის ლიდერმა, კერი ლამამ შაბათს გამართულ პრესკონფერენციაზე ექსტრადიციის შესახებ კანონი, რომელიც 7 მილიონი ჰონგ კონგელის, ასევე უცხოელი მოქალაქეების მიერ დანაშაულის ჩადენის შემთხვევაში ჩინეთში ექსტრადაციას გულისხმობდა, შეაჩერა.
„ბოლო ორი დღის განმავლობაში, საპროტესტო აქციების საპასუხოდ, მთავრობამ გადაწყვიტა, რომ კანონპროექტი შეაჩეროს და აქტიური დიალოგი დაიწყოს სამოქალაქო საზოგადოების ყველა სექტორთან, მოუსმინოს და იმუშაოს განსხვავებული ხედვების მიღებაზე“,- აღნიშნა ლამამ დღევანდელ პრესკონფერენციაზე.
ჰონგ კონგში მასობრივი საპროტესტო აქციები რამდენიმე დღეა იმართება. ქუჩებში მილიონზე მეტი ადამიანი გამოვიდა და მკაცრად დაგმო ახალი საკანონმდებლო ინიციატივა.
ჰონკონგის პოლიციამ დემონსტრანტების წინააღმდეგ ცრემლსადენი გაზი და ხელკეტები გამოიყენა. მედიის ცნობით, პოლიციელებს გამოტანილი ჰქონდათ ტრანსპარანტი წარწერით „შეწყვიტეთ, თორემ ძალას გამოვიყენებთ“.
საპროტესტო აქციებში ძირითადად სტუდენტები მონაწილეობენ. მაღაზიები, საწარმოები და ბანკები დაკეტილია, რადგან თანამშრომლები ქუჩებში არიან გამოსული თავიანთი პოზიციის დასაფიქსირებლად.
აქციის მონაწილეები მოითხოვენ ჰონკონგის ადმინისტრაციის ხელმძღვანელის კერი ლემის გადადგომას და ექსტრადიციის შესახებ კანონში ცვილელებების განხილვის შეჩერებას.