საქართველოს პრეზიდენტი სალომე ზურაბიშვილი 15-16 ივნისს ადიგენისა და ბორჯომის მუნიციპალიტეტებს ეწვევა. პრეზიდენტი ადგილობრივ ხელისუფლებასა და რეგიონის მოსახლეობას შეხვდება. ინფორმაციას პრეზიდენტის ადმინისტრაცია ავრცელებს.
სალომე ზურაბიშვილი აბასთუმანში ახალი სარეაბილიტაციო ცენტრის მშენებლობას მოინახულებს, გოგირდის აუზებს, რემერტის ხიდს, ახალ ზარზმას დაათვალიერებს და აბასთუმნის კულტურული მემკვიდრეობის ძეგლების რეაბილიტაციის პროცესს გაეცნობა, სადაც მეგზურობას აბასთუმნის უხუცესი მკვიდრი თინა ნათელაშვილი გაუწევს.
პრეზიდენტი სოფელ უდეში, ანთიმოზ ივერიელის სახელობის მონასტერში მარნებს დათვალიერებს, წმინდა ნინოს სახელობის ტაძარში კი, დედათა ხელსაქმეს გაეცნობა.
სალომე ზურაბიშვილი აბასთუმანში ობსერვატორიას ეწვევა და ევგენი ხარაძის სახელობის მუზეუმს დათვალიერებს.